A chathraiche agus a bhuill na comataidh, tapadh leibh airson an cothrom seo a thoirt dhuinn fianais bheòil a thoirt seachad don chomataidh. Is mise Iain Macleòid agus còmhla rium tha an t-Àrd Ollamh Rob Dunbar, cathraiche cànanan, litreachas, eachdraidh is àrsaidheachd Cheilteach aig Oilthigh Dhùn Èideann.
Tha an athchuinge ag iarraidh air a’ chomataidh ìmpidh a chur air Riaghaltas na h-Alba dreachd dà-chànanach a sholarachadh de phàipear-baileit reifreinn neo-eisimealachd na h-Alba. Ged a chaidh an e-athchuinge a-steach nam ainm fhìn a-mhàin, fhuair e taic fhad ’s a bha e air loidhne airson ùine ghoirid bho 733 neach a chuir an ainmean ris.
Am measg nam prìomh phuingean air am bu mhath leam gum beachdaich sibh an-diugh, is iad na prìomh phrionnsapalan a th’ ann, an toiseach, còraichean cànain luchd-labhairt na Gàidhlig, agus a-rithist, a bhith a’ buileachadh laghan agus phlanaichean cànain gnàthaichte a thaobh co-ionannachd spèis. Chan eil seo idir mu dheidhinn luchd-labhairt na Gàidhlig a’ tuigsinn na Beurla no gur e pàipear-baileit aon-chànanach an cleachdadh àbhaisteach ann an taghaidhean no reifreannan air feadh na Rìoghachd Aonaichte.
Chaidh Achd na Gàidhlig (Alba) 2005, don deach taic uile-phàrtaidh a thoirt ann am Pàrlamaid na h-Alba, aontachadh
“le sùil ri bhith a’ cur inbhe na Gàidhlig air stèidh thèarainte mar chànan oifigeil an Alba aig am bi spèis ionann ris a’ Bheurla”.
Tha gach cuid Riaghaltas na h-Alba agus Pàrlamaid na h-Alba air planaichean Gàidhlig fhoillseachadh a tha ag amas air dèanamh cinnteach, nuair a thèid seirbheisean a lìbhrigeadh anns a’ Ghàidhlig, gum bi iad aig inbhe is càileachd a bhios ann am coimeas ri seirbheisean sa Bheurla. Tha iad cuideachd a’ gealltainn inbhe na Gàidhlig àrdachadh le bhith a’
“dèanamh cinnteach gum bi ìomhaigh nas motha air a thoirt don Ghàidhlig taobh a-staigh beatha phoblaich na h-Alba”.
A bharrachd air sin, chuir gach cuid Riaghaltas na RA agus Riaghaltas na h-Alba an ainmean ris a’ Chùmhnant Eòrpaich airson Cànanan Roinneil no Mion-chànanan, agus bu chòir suim a ghabhail de na geallaidhean sin.
Na mo bheachd-sa, tha cleachdadh na Gàidhlig ann am prìomh phròiseas bhun-reachd leithid reifreann air neo-eisimeileachd—ceist a thuirt Riaghaltas na h-Alba fhèin a tha nas cudromaich na gin eile a chaidh a chur fa chomhair luchd-bhòtaidh na h-Alba ann an còrr is 300 bliadhna—deatamach gus a bhith a’ comharrachadh iomchaidheachd a’ chànain mar
“chànan oifigeil na h-Alba”.
Tha sinn an dùil gum bi deugairean 16 is 17 am measg luchd-bhòtaidh an reifreinn, agus bidh cuid dhiubh air gluasad bho shiostam air leth soirbheachail foghlam tro mheadhan na Gàidhlig, a tha air a bhith againn o chionn 25 bliadhna. Tha iad làn-airidh gun toirear aithne agus spèis don chànan oideachaidh aca, mar a chaidh a dhearbhadh ann an achd 2005.
Ged a tha mi a’ cur fàilte air gealladh an Riaghaltais mu bhith a’ cur a-mach stiùireadh mu phròiseas an reifreinn ann an dreachd dà-chànanach, chan eil ann am pàipear-baileit dà-chànanach ach ceum beag nas fhaide na sin. Chan eil ach aon cheist ghoirid air a’ phàipear—dìreach sia faclan. Dh’fhaodadh gur e ceum beag a bhiodh ann am pàipear-baileit sa Ghàidhlig, ach ’s e ceum sònraichte a bhiodh ann, agus ma tha pàipearan-baileit dà-chànanach ceadaichte anns a’ Chuimrigh, carson nach biodh ann an Alba?
Mu dheireadh, dh’iarrainn oirbh smaoineachadh air dè an teachdaireachd a bhiodh diùltadh pàipear-baileit sìmplidh dà-chànanach a’ cur a-mach gu coimhearsnachd na Gàidhlig, agus dè bhiodh seo a’ ciallachadh mu shealladh Pàrlamaid na h-Alba air an aon mhion-chànan a tha a’ faighinn aithne mar chànan oifigeil ann an Alba.
Following is the simultaneous interpretation:
Convener and committee members, thank you for giving us this opportunity to give oral evidence to the committee. My name is John Macleod and, as you said, this is Professor Rob Dunbar, who is the chair of Celtic languages, literature, history and antiquities at the University of Edinburgh.
The petition calls for the committee to urge the Scottish Government to provide a bilingual version of the Scottish independence referendum ballot paper. Although I submitted the e-petition in my name only, during the brief period for which it was online, it was also supported by 733 signatories.
The main points that I would like you to consider are the following. The relevant issues are, first, the language rights of Gaelic speakers and, secondly, the application of existing law and language plans in relation to equality of respect. The issue is not about the fact that Gaelic speakers can understand English, nor is a monolingual ballot paper the normal practice in elections or referenda across the United Kingdom.
The Gaelic Language (Scotland) Act 2005, which received all-party support in the Scottish Parliament, was passed
“with a view to securing the status of the Gaelic language as an official language of Scotland commanding equal respect to the English language”.
Both the Scottish Government and the Scottish Parliament have published Gaelic language plans with the aim of ensuring that, when services are delivered in Gaelic, they are of a comparable standard and quality to those that are provided in English. There is also a commitment to enhance the status of Gaelic by
“ensuring that Gaelic is given an increased profile within Scottish public life”.
Furthermore, both the UK and Scottish Governments are signatories to the European Charter for Regional or Minority Languages, and those commitments should be respected.
The use of Gaelic in a key constitutional process such as a referendum on independence—a question that the Scottish Government has said is the most important question to be put to a Scottish electorate in more than 300 years—is necessary in order to demonstrate the relevance of the language as
“an official language of Scotland”.
We expect that the referendum electorate will include 16 and 17-year-olds, some of whom will be products of the successful Gaelic-medium education system over the past 25 years. They deserve to have their education language given the due recognition and respect that the 2005 act said that it should have.
I welcome the Government’s promise to issue guidance on the referendum process in a bilingual format, but a bilingual ballot paper is only a small step beyond that stage. The ballot paper will have one short question of just six words. A bilingual ballot paper may be a small step for Gaelic, but it would be a significant one. If bilingual ballot papers can be used in Wales, why not in Scotland?
Finally, I ask you to consider what message the denial of a simple bilingual ballot paper would send to the Gaelic-speaking community. What would that signify regarding the Scottish Parliament’s approach to Scotland’s only official minority language?